Desporrins a Sent Savin, la pastorala de Joan-Loís Lacontra (1809 Argelèrs de Lavedan – 1889 Pau), qu’estò era premèra Pastorala gascona a tornar-se jogar a la fin deu sègle passat.
Eth sègle navèth que s’anoncè dab “Pelòt”, ua pastorala condant un episòdi saunejat deu bandolèr bigordan.
Qu’esperam que Pelòt, la seria video escrivuda per Eva Cassagnet, e serà lèu filmada…
En 2019, qu’èi avut lo plaser de contribuïr a la pastorala de Montaner en tradusint lo tèxte d’Alain Muñoz : Au hossat de Fèbus. Un projècte miat per l’equipa de la Pastorala de Morlaas.
Qu’avem tanben aquestas darrèras annadas acompanhat, dab poèmas nostes (Morta de Terèsa e Mulat-Barba men) la creacion de l’espectacle Tèrra e Cèu portat peu compositor contemporanèu Jean-Pierre Seyvos : Tèrra e cèu : https://www.7alimoges.tv/L-occitanie-limousine-sur-scene-avec-Terre-et-ciel_v4332.html
E, en 2021-2022, extrèits deu poèma “Lo Cèc”, coma Mila ans, que son estats integrats a l’espectacle “Milharís” deu grope Vox Bigerri.
Tintas 