Ompra,
que s'ei pausat eth ausèth negre
sus era branca deth casso toat.
A pas menuts, un só hered
qu'aubreish ua flor estadida.
Arremolaires, eths passaires de mots qu'agusan eths cotèths
Occitania, ès auta causa qu'un mot saunejat ?
Endarrerits e uglaires que's lhèvan eths òmis cècs
Occitania, ès auta causa qu'un crit escanat ?
Der'escurada, eth lambre qu'aplega calhaus muts
Occitania, ès auta causa qu'ua esquela en pè deth gigant ?
Ua man que vòla traucant eras paginas blancas d'un libe a escríver,
Hadas de carmin que dessenhan signes de papèr
Occitania, e serés auta causa qu'ua istòria vielha ?
Ua votz qu'amassa eras paraulas perdudas
Occitania, e serés ua canta ?
Sabbat – Peir Lavit
Lutz
Sus ua espatla
Ua man que's pausa
Cinc sens que's desvelhan
Ena boca aubrida.
Occitania, e serés ua hemna a cossirar ?
Tresià Pambrun
Cinquanta ans de cançons, aquerò que’s hesteja. Eric Fraj que sortirà, a la fin de 2021, un CD doble titolat “La Vida”.
Que podem ja soscríver au CD aqueth. Entau CD solet, o, chança tà nosautis, entau CD dab un tiratge deu monotip signat per l’artista Daidièr Mir, qui a hèit la jaqueta deu disc. Soscripcion sia per corrièr en telecargant lo bulletin de soscripcion ací devath.
Tintas 