tanta tinta despenuda tà parlar d’aqueth nau mau: hèm-li era benvenguda e un aumenatge com cau tanta tinta qu’è aquerit entà repetir-me tant: s’ac deishèren tot escrit nòsti trobadors d’antan tanta tinta peth camin d’Aran enquiath Lavedan: un ditz que se patatin, un aute que se patatan... tanta paraulèra vueda, tant excès d’autoritat, non i a un sò en pòrtamoneda: açò ei ‘eficacitat’ tanta tinta tà qué escríuer: fakes, enganhs e faussetats e senténcies tà interdíder es que diden es vertats ara qu’escriui miei ben, dempús d’ans de practicar, qui sap se tar an que ven quauquarrés me liegerà ara -que non escriui mau- era musa m’a deishat, se n’ei anada en chivau e era tinta s’a... acabat! Xavi Guttiérez Riu
Sent Jòri – Sant Jòrdi
Bona Sent Jòri a tot.a.s !
Hèsta deus libes e hèsta nacionau a Catalonha… Que sabetz totun de que son ubèrtas las librarias. Que podetz tanben comandar sus internet los libes occitans… Los editors que’vs demoran.
Bona hèsta e bonas lecturas.
A escotar : La fabla “La soritz-cauva e la panquesa”… coma si non n’avèvam pas pro entenut a parlar aquestas òras d’aqueths fotuts tinhahús !
Tintas 