Plècs e hregadissas ens linçòus deth desvelh escrituras en vagamondís pantaishadas estèrlas espantagais de soms tròp herèules tà ganhar era batalha dera neit. D’un revèrs de man, Que los lissi E saberàn estar poèmas uei?
Desvelh
Òras
Òras en perdicion Temps ara deriva En aròu deth lac Eras andadas non saben escríver auta causa qu’ua permanéncia capborruda : tumar-se ara madeisha tessèira circulària. Nada gessida. Agulhas destimborladas en miralh, Nat capvath, nat capsús, Virar sense saber era corruda invèrsa deth só. País nau.
Tintas 