Tintas

Be triga de tornar trobar los gropes qui aimam en concèrt. Vox Bigerri que tribalhan tà poder virar aqueste estiu. Totun be podem profitar deras lors votz per CD. Jorn, un disc prestit de gòi e de complicitat. E coma tostemps dab Vox Bigerri un viatge entre tradicion e contemporaneïtat. Cantas vielhas e tèxtes de creacion : jòlhas deu Pascal Caumont, musicas de uei per Fabrice Lapeyrère, Pascal Caumont o Jean-Claude Coudouy.

Dab tanben enter autes un tèxte qui’us aví arrevirat : Strange fruit qui cantava Billie Holiday.

Estranha hruta aus arbes deu Sud
Sang per la huelha e sang au soc
Còs ners dançant a l’aurei deu Sud
Quina hruta pindolant aus píbous.

Scena pastorau deu valent Sud
Esuelhats e boquitorçuts
Sentor a magnòlia doça e fresca
E d’un còp bafos a carnús cremat.

Hruta qui berecan los corbàs
Honla la ploja e seca l’aurei
Madura lo só dinc a hèr-los quer
Quin estranh e amar recuelh.

somejant lo havorèr gran cran de peira bruta lo malh que’s tiba a l’argueit deu hred e de la nevada un vent hòu, lop de la neu, qu’escoba la huelhada apuish, prestida d’ivèrn, la balaguèra hiula herit e shens amira shens lòc on logar mons braç que torni la on per un bèth dia lo ton arríder e’m de ahidas ^{Joan Loís Lavit}